შეჯამება

2015 CHEVROLET VOLT

ექსტერიერი:
ავტომობილს აღენიშნება ყოველდღიური ხმარების კვალი. გარშემო აღიჯიშნება არაერთი მცირე ზომის ნაკაწრი და შეღუნულობა. წინა ბამპერი არასრულფასოვნად არის აღდგენილი, უკვე გაჩენილია ბზარიც ფართან. წინა მარჯვენა ფრთა არ ემთხვევა ავტომობილის ფერს, რაც მიანიშნებს იმაზე, რომ შესაძლოა შეცვლილი იყოს. საქარე მინაზე აღინიშნება კენჭის მოხვედრის კვალი, რომელიც ზომით მცირეა, თუმცა ლოკაციიდან გამომდინარე შესაძლოა პრობლემა შექმნას ტექდათვალიერებისას.

ჩამოყვანიდან დღემდე:
ავტომობილი ამერიკაში წინ დაზიანებით არის შეძენილი 2023 წლის ივლისში, გარბენით 61000 მილი, რაც ნიშნავს, რომ ავტომობილი დაახლოებით 1.5 წელია საქართველოშია და ამ პერიოდში დაახლოებით 35000 კილომეტრი გაიარა. აღსანიშნავია, რომ ამერიკაში გადაღებულ ფოტოებში არ ჩანს დაზიანება წინა მარჯვენა ფრთაზე (რომელიც განსხვავებული ფერისაა და, სავარაუდოდ, შეცვლილია) და მარცხენა კარებზე (რომლებზეც დეტექტორმა შპაკლის კვალი აღმოაჩინა), რაც შესაძლოა მიუთითებდეს საქართველოში ყოფნისას ავტომობილის დაზიანებასა და აღდგენაზე.

ინტერიერი:
ინტერიერი სუფთაა. შელახულია ჭერი, უკანა ნაწილში, სავარაუდოდ რაიმეს მორტყმის შედეგად. ოდნავ გახუნებულია სამზეური მძღოლის მხარეს. ზევით ამოსვლა უჭირს უკანა მარჯვენა შუშას, თუმცა ამოდის.

მოძრაობაში:
ავტომობილი დაიქოქა(ჩაირთო) უპრობლემოდ. სრულად დატენილმა დაწერა გასავლელი რეინჯი 60კმ (რაც ნიშნავს, რომ საშუალოდ ამ მანძილს გადის ამ ეტაპზე სრული დამუხტვით). ავტომობილი იმართება კარგად. შესამჩნევია მსუბუქი "ღუღუნი" მოძრაობისას, რაც სავარაუდოდ წინა საკისრების არასრულფასოვან მუშაობაზე მიუთითებს.